Balkan gämi gurluşyk we abatlaýyş zawody

Balkan gämi gurluşyk we abatlaýyş zawody AGPJ 2019-njy ýylyň 15-nji aprelinde Türkmenistanyň Prezidenti Gurbanguly Berdimuhamedowyň kararyna (29.01.2019ý senesinde №1080) laýyklykda döredildi. 

Balkan gämi gurluşyk we abatlaýyş zawody AGPJ – Hazar deňziniň Türkmenistana degişli bolan, gündogar kenarynda, Türkmenbaşy halkara deňiz portynyň golaýynda ýerleşen gämi gurluşyk we abatlaýyş zawody.

Paýdarlar Jemgyýeti döredilmezden öň, 2018-nji ýylyň maýynda Türkmenistanda açylyp ulanmaga berilenTürkmenbaşy halkara deňiz portunyň düzüminde, portuň bir bölegi hökmünde Balkan gämi gurluşyk we abatlaýyş zawody bolan AGPJ girdi.

Biz barada

Türkmenbaşy şäherindäki gämi gurluşyk we abatlaýyş zawody ýurdumyzda gämi gurluşyk we gämileri abatlamagy ulgamy boýunça ilkinji ädim bolup, milli ykdysadyýetimize we ýurdumyzyň deňiz-derýa ulaglary pudagynyň ösmegine uly goşant goşýar.

Umumy meýdany 166 000 inedördül metre barabar bolan zawodyň önümçilik kuwwaty ýylda 10 000 tonna polady işläp, halkara ölçeglerine gabat gelýän häzirki zaman tehnologik enjamlaryň we awtomatlaşdyrylan ulgamlaryň peýdalanylmagy bilen 4-6 gäminiň gurulmagyna niýetlenendir. Bu önümçilik desgasynda ýylda 2000 tonna polat işlemek arkaly 20-30 sany gäminiň abatlaýyş we bejeriş işlerini ýerine ýetirmäge doly mümkinçilik bardyr.

Gämi gurluşyk we abatlaýyş zawodynda täze ýygnalan we bejergileri tamamlanan gämileri suwuň üstüne düşürmek we abatlamak maksady bilensuwdan galdyrmak üçin 10 000 tonna göterijilikli gämi galdyrma we süýşürme ulgamy gurnaldy.

Desgada gurnalan 84 tonna göterijilikli tekerli port krany,  42, 64, 80 tonna göterijilikdäki relslerde hereket edýän kranlar dürli maksatly önümçilik işleri üçin ulanylýar. Zawodyň dolandyrma ulgamynda gämi dizaýny, taslama dolandyrylyşy, üpjünçilik, bejeriş, önümçilik, tehniki hyzmat ediş, hil we zähmet ediş howpsuzlygy bilen bagly bölümler utgaşdyrylan ýagdaýda işleri alyp barýarlar.

Gämi ussahanasynyň esasy tehniki häsiýetnamasy

• Sinhroliftde ýokaryk götermek üçin gäminiň aňrybaş ölçegleri – uzynlygy – 155 m, ini – 22 m, suwa batyş derejesi – 5,5 m;
• Gämi duralgalarynyň gündogar tarapdan uzynlygy – 280 m, günorta tarapdan – 291 m;
• Portuň we gämi ussahanasynyň akwatoriýasynyň duralgasynyň ortaça çuňlugy – 9 m, gämi ussahanasynyň we portuň tebigy aýlagda ýerleşýänligi sebäpli uly tolkunlar emele gelmeýär;
• Ulag gatnawlary – deňiz, awtomobil we demirýol;
• Täze gämileri ýasamak üçin gämi ussahanasy ýylda 10.000 tonna polady işläp bilýär, bu bolsa ýylda 4-6 sany gämini gurmaga mümkinçilik berýär;
• Gämileri bejermek üçin gämi ussahanasy ýylda 2.000 tonna polady işlemäge ukyply, bu bolsa ýylda 20-30 sany gämini bejermäge mümkinçilik berýär;
• Portal kranlary:
  • LPS 420 (84 tonna) – 1 sany.
  • LPM 280 (64 tonna) – 2 sany.
  • LPS 280 (42 tonna) – 2 sany.
• Gämi ussahanasynyň esasy tehnologiýasy täze gämileri gurmak bilen bilelikde gämi bejermek işlerine hem esaslanýar. Gämi gurluşygyny we gämi bejerişi aýratyn tapawutlandyrmak göz öňüne tutulmadyk. Gämileriň gurluşygynyň işleri deslapky amallaryň işlenilmegini öz içine almak bilen materiallaryň kabul edilmeginden başlap,  ahyrky doly gurnaýyş bilen gämini suwa göýbermege çenli gäminiň gurluşygyna degişli ähli işleri öz içine alýar.

Paýdarlarymyz

• "Türkmendeňizderýaýollary" agentligi

  17%

  

• Türkmenbaşy halkara deňiz porty

  80%

  

• "Deňiz söwda floty" ÝGPJ

  2%

  

• "Türkmenistanyň Ulag Logistika Merkezi" AGPJ

  1%