2020-nji ýylyň 19-njy noýabrynda "Türkmendeňizderýaýollary" agentliginiň edara binasynda daşary ýurt kompaniýalary bilen hyzmatdaşlygyň mümkinçiliklerini öwrenmek boýunça wideoaragatnaşyk arkaly duşuşyk geçirildi.

Duşuşyga “Türkmendeňizderýaýollary” agentliginiň, “Balkan” gämi gurluşyk we abatlaýyş zawody AGPJ-niň, “Deňiz söwda floty” ÝGPJ-niň ýolbaşçylary bilen Beýik Britaniýanyň “CIS Equipment Group” we Niderlandlar Patyşalygynyň “Damen Shipyards Gorinchem” kompaniýalarynyň wekilleri gatnaşdylar.

Duşuşygyň dowamynda Ýurdumyzy 2019-2025-nji ýyllarda durmuş-ykdysady taýdan ösdürmegiň Maksatnamasyna laýyklykda, “Türkmendeňizderýaýollary” agentligi tarapyndan göz öňünde tutulan gämi gurluşygy we ony maliýeleşdirmegiň mümkinçiliklerini taraplar bilen ara alnyp maslahatlaşyldy.