2015-nji ýyldan 2025-nji ýylyň birinji ýarymyna çenli döwürde Türkmenistanyň üstünden geçirilen üstaşyr ýükleriň möçberi 417 müň 340 tonnadan, üstaşyr howa gämileriniň gonuşlarynyň sany bolsa 5 müň 960-dan gowrak boldy. Bu barada Türkmenistanyň resmi metbugaty sişenbe güni habar berdi. 

2015-nji ýylyň aprel aýynda Türkmenistanyň we Lýuksemburguň arasynda howa gatnawy hakynda hökümetara ylalaşyga gol çekilmegi howa ulagy arkaly üstaşyr geçirmeleriň ösüşinde möhüm wakalaryň biri boldy. Munuň özi Ýewropanyň iri “Cargolux” awiakompaniýasy bilen Lýuksemburg – Türkmenbaşy ugry boýunça ýük daşalyşyny artdyrmaga ýardam berer. 

Türkmenistanda häzirki zaman howa menzillerini gurmak boýunça taslamalar durmuşa geçirilýär. Lebap welaýatynda Kerki howa menzili açylandan soň, Balkan welaýatyndaky täze howa menziliň gurluşygy tamamlaýjy tapgyrda alnyp barylýar. Degişli pudakda amala aşyrylýan işler halkara ýolagçy we ýük daşamalaryny giňeltmäge şertleri döreder. 

Türkmenistan Ýewropa-Kawkaz-Aziýa (TRACEKA), Owganystan-Türkmenistan-Azerbaýjan-Gruziýa-Türkiýe ýaly halkara ulag geçelgelerini işjeň ösdürmegi onuň dünýä giňişligindäki abraýyny pugtalandyrýar. 

Şeýle hem Türkmenistanda Balkan welaýatynyň Türkmenbaşy demir ýol menzilindäki wagonlary arassalaýjy desgany döwrebaplaşdyrmak boýunça degişli taslama taýýarlanylýar.