“Türkmenistanyň Ulag-logistika merkezi” Açyk görnüşli paýdarlar jemgyýeti (TULM) Hytaýyň Çžetýan şäherinden ugran 50 sany 40’ft ýükli synag konteýner otly düzümini Gazagystanyň çäginden Türkmenistanyň serhetýaka demir ýol geçelgesinden geçirip Baku halkara deňiz portuna ugradylmagyny gurady.

TULM-yň penşenbe güni habar bermegine görä, Hytaýyň synag konteýner otlusy Türkmenbaşy deňiz porty arkaly türkmen milli fider gämisinde Baku şäherine ugradyldy.

TULM Türkmenistanda demirýol ulaglarynda konteýner gatnawlarynyň operatory bolmak bilen, halkara multimodal ulag-üstaşyr geçelgeleriniň çäklerinde uly möçberlerde dürli görnüşdäki ýükleriň gatnawlaryny amala aşyrmaklygy dowam edýär.

“Türkmenistanyň Ulag-logistika merkezi” AGPJ-i Türkmenistanyň Prezidentiniň 2018-nji ýylyň 31-nji iýulynda gol çeken Permany esasynda döredildi. Ýurduň ulag-logistika ulgamyny ösdürmek, üstaşyr ýük geçirmeleriň möçberlerini artdyrmak hem-de iberijiden kabul edijä çenli üstaşyr we eksport-import ýükleri eltip bermek üçin netijeli logistika çözgütleri taýýarlamak kompaniýanyň esasy wezipesi bolup durýar.