Merkezi Aziýa döwletleriniň ýolbaşçylary 16-njy noýabrda Daşkentda geçirilen Merkezi Aziýa döwletleriniň Baştutanlarynyň VII konsultatiw duşuşygynyň netijeleri boýunça Bilelikdäki Jarnamany kabul etdiler. Bu barada Özbegistanyň Prezidentiniň resmi metbugat gullugy habar berýär.

Resminama Türkmenistanyň Prezidentiniň Serdar Berdimuhamedow, Gazagystanyň Prezidenti Kasym-Žomart Tokaýew, Özbegistanyň Prezidenti Şawkat Mirzijoýew, Gyrgyzystanyň Prezidenti Sadyr Žaparow we Täjigistanyň Prezidenti Emomali Rahmon tarapyndan gol çekildi.

Döwlet Baştutanlary Birleşen Milletler Guramasynyň agza döwletlerine ýüzlenme edip, 2027–2028-nji ýyllar üçin BMG Howpsyzlyk Geňeşiniň hemişelik däl agzalygyna Gyrgyz Respublikasynyň kandidatyrasyny goldamak baradaky teklibini makulladylar.

Sebitiň ýurtlary Azerbaýjan Respublikasynyň Merkezi Aziýa döwletleriniň Baştutanlarynyň VII konsultatiw duşuşygyna doly hukukly agzasy bolmagy baradaky karary hem kabul etdiler.

Döwlet Baştutanlary Merkezi Aziýanyň sebit howpsuzlygynyň we durnuklylygynyň Konsepsiýasyny, şeýle hem 2026–2028-nji ýyllar üçin sebit howpsuzlyk töwekgelçilikleriniň toplumyny we olaryň öňüni almak boýunça çäreleri tassykladylar.