“Uztemirýulkonteýner” paýdarlar jemgyýeti 2025-nji ýylda Özbegistandan Ýewropa ýurtlaryna Türkmenistanyň Türkmenbaşy porty arkaly yzygiderli ýük konteýner gatnawlaryny ýola goýdy. Bu barada “Uztemirýulkonteýner” kompaniýasy duşenbe güni habar berdi.

Häzirki wagtda, Türkmenbaşy porty arkaly Özbegistan mineral dökünleri, kaliý, karbamid, alýuminiý hem-de mis ýaly ýükler bilen ýüklenen jemi 18 konteýner otlusyny üstünlikli ugratdy.

Yzygiderli konteýner otlusynyň gatnawlarynyň işe girizilmegi Özbegistanyň eksport mümkinçiliklerini giňeltmekde, ulag-logistika ugurlaryny diwersifikasiýa etmekde hem-de ýurduň halkara ulag geçelgelerindäki ornuny pugtalandyrmakda aýratyn möhüm ädim hökmünde garalýar.

Türkmenbaşy halkara deňiz porty Hazar sebitindäki iň iri we döwrebap portlaryň biri bolup, onuň umumy meýdany 150 gektardyr. Portyň ýyllyk ýük geçirmek ukyby 17 million tonna çenli barabardyr we ýylda 300 müň ýolagçyny, 75 müň ýük ulagyny hem-de 400 müň TEU konteýnerini kabul etmek mümkinçiligi bardyr. Mundan başga-da, portyň ýylda 3 million tonna töweregi dökme ýükleri we 4 million tonna umumy ýükleri (nebit önümleri hasaba alynmazdan) üstaşyr geçirmäge ukyplydyr.