Gämi gurluşyk pudagynda gazanylan netijeleriň  çäklerinde, 2024-nji ýylyň 16-njy awgustynda «Balkan» zawodynyň edara binasynda Koreýa Respublikasynyň «Koryo Shuipbuilding Industry Technology Co., Ltd.» kompaniýasynyň Prezidenti Choi Young Uook we  «Balkan» gämi gurluşyk we abatlaýyş zawodynyň baş direktory Jepbarow Röwşen Ýakubowiçiň gatnaşmagynda 2024-nji ýylyň 1-nji maý aýyndan 20-nji iýun aralygynda 16 sany koreý inženerleri tarapyndan gämi gurluşyk ugry boýunça geçirilen amaly okuw sapaklarynda ýokary görkezijilerine mynasyp bolan türkmen hünärmenlerine şahadatnamalar gowşuryldy.

Bulardan başga-da, okuw döwrüniň dowamynda bilimi we hünäri bilen tapawutlanan we synaglardan üstünlikli geçen hünärmenlere Koreýa Respublikasynyň «Koryo Shuipbuilding Industry Technology Co., Ltd.» kompaniýasynyň Prezidenti tarapyndan höweslendiriji sowgatlar gowşurylyp, höwesjeň, işlerine ussat ýaş gämi gurluşykçylara öz minnetdarlyklaryny bildirip, gelejekde türkmen hünärmenleriniň uly üstünliklere eýe boljakdyklary barada belläp geçdiler.