IRU we Türkmenistan sentýabr aýynda awtomobil ulaglary boýunça ileri tutulýan ugurlaryna bagyşlanan ýokary derejedäki gepleşikleri geçirip, bu pudagyň ösdürilmeginiň esasy ugurlaryny ara alyp maslahatlaşdylar. Aşgabatda Halkara awtomobil ulaglary birleşiginiň (IRU) Baş sekretary Umberto de Pretto hem-de Ministrler Kabinetiniň başlygynyň orunbasary we daşary işler ministri Raşid Meredowyň hem-de Ministrler Kabinetiniň ýanyndaky Ulag we aragatnaşyk agentliginiň Baş direktory Mämmethan Çakyýewiň arasynda geçirilen maslahatlaşmalar Türkmenistanyň awtomobil ulaglarynyň infrastrukturasyna möhüm maýa goýumlarynyň çekilýändigini açyp görkezdiler.

Umberto de Pretto “agyr” we “ýeňil” infrastrukturasynyň ösdürilmeginiň ähmiýeti barada belläp geçdi. Netijeli söwda üçin zerur bolan garmonizirlenen gurallaryny we işlerini ösdürmekde Türkmenistanyň tagallalaryna aýratyn ähmiýet berildi. Bu infrastrukturalarynyň üstünlikli utgaşdyrylmagy ýük baradaky deslapky maglumatlaryny peýdalanmak bilen howpsuz TIR operasiýalarynyň üpjün edilmegini hem-de esasy serhet geçelgelerinde bellenen ösdürilýän zolaklary öz içine alýar. Bu bolsa howpsuzlyga esaslanýan üstüşyr geçelgelerine ösdürilmegine mümkinçilik berýär.

IRU we Türkmenistanyň daşary işler ministri hem-de Ulag we aragatnaşyk agentliginiň Baş direktory Türkmenistanda awtomobil ulag ulgamyny ösdürmek hem-de söwda we üstaşyr geçelge babatda onuň ähmiýetini ýokarlandyrmak üçin ýol kartasyny işläp taýýarlamak barada ylalaşdylar diýip, Halkara awtomobil ulaglary birleşiginiň saýtynda habar berilýär.

2024-nji ýylyň Bütindünýä durnukly ulag gününiň çäklerinde çäreleriň meýilnamalaşdyrylyşy Maslahatlaşmalaryň esasy ugry boldy. Türkmenstan bu başlangyjyň döredilmeginde we BMG-niň degişli Kararnamasynyň kabul edilmeginde esasy orun tutdy.

IRU pudagy karbonsyzlaşdyrmagyna hem-de 2050-nji ýyla çenli uglerod bitaraplygynyň gazanylmagyna gönükdirilen Ýaşyl Kompakta aýratyn ähmiýet berdi. Bu başlangyç ulag pudagynyň durnukly ösüşi boýunça ählumumy tagallalary goldap, eýýäm häzirki wagtda durmuşa geçirilmegi mümkin bolan çäreleriň zerurdygyny açyp görkezýär.

Bütindünýä durnukly ulag güni 26-njy noýabrda bellenilýär. IRU tarapyndan bu senä bagyşalanan ýörite web-saýt döredildi.