2024-nji ýylyň 30-njy sentýabrynda «Balkan» gämi gurluşyk we abatlaýyş zawody» açyk görnüşli paýdarlar jemgyýetiniň edara binasynyň ýygnaklar zalynda  «Balkan» gämi gurluşyk we abatlaýyş zawodynyň ýolbaşçylarynyň gatnaşmaklarynda Kärdeşler arkalaşygynyň ilkinji guramasy tarapyndan Türkmenistanyň Garaşsyzlygynyň şanly 33 ýyllygy mynasybetli höweslendiriş çäresi geçirildi.

Türkmenistanyň Garaşsyzlygynyň şanly 33 ýyllygy mynasybetli Aşgabat şäherinde geçirilen dabaraly ýöriş çäresine «Balkan» zawody tarapyndan gatnaşan hünärmenlerini şeýle hem «Pähim-paýhas ummany Magtymguly Pyragy» ýylynda görkezen zähmet üstünlikleri, jemgyýetçilik işlerine işjeň gatnaşandyklary hem-de gämi gurluşyk pudagyny ýola goýmakda, milli söwda flotyny mundan beýläk-de ösdürmekde öňde goýlan maksatlara ýetmek üçin alyp barýan işlerinde aýratyn tapawutlanan hünärmenlere Kärdeşler arkalaşygynyň ilkinji guramasy tarapyndan höweslendiriş sowgatlary we hormat hatlary bilen sylaglandyryldy.

Çäräniň ahyrynda  «Balkan» zawodynyň hünärmenleri Gahryman Arkadagymyza, Hormatly Arkadagly Gahryman Serdarymyza ýurdumyzyň iri senagatynyň biri bolan  gämi gurluşyk pudagyny ösdürmek babatynda şeýle giň mümkinçilikleri döredendigi üçin minnetdarlyk bildirdiler.