«Demirýollary» açyk görnüşli paýdarlar jemgyýeti Balkan welaýatynyň Gyzylarbat etrabynda demir ýol wagonlaryny abatlaýyş zawodynyň taslamasyny düzmek hem doly taýýar derejede gurmak, şol sanda onuň ýanaşyk çägini abadanlaşdyrmak boýunça açyk görnüşli halkara tender-bäsleşigini yglan etdi. Bu barada «Neýtralnyý Turkmenistan» gazeti habar berýär.

Bäsleşige gatnaşmak üçin Aşgabat şäheriniň S.Türkmenbaşy şaýoly, jaý 7 salgysynda ýerleşýän «Demirýollary» AGPJ-ne şu aşakdakylary bermeli:

• dalaşgäriň doly ady, hukuk ýagdaýy we maglumatlary görkezilen bäsleşige gatnaşmak baradaky arzasy, şeýle hem arzanyň ýanyna dalaşgäriň bellige alyş we tertipnama resminamalary, wekiliniň ynanç haty we pasportynyň nusgasy goşulmalydyr;
  • lotuň ýöritenamasyny we tehniki talaplaryny almaly;
  • bäsleşik resminamalarynyň bukjasyny almaly;
  • lot üçin 200 ABŞ-nyň dollary möçberde (şol sanda 26,086 dollar – GBS) töleg tölemeli. Pul serişdelerini geçirmek üçin hasap ýazmaça arza berlende görkeziler. Içinde bäsleşik teklipleri bolan bukjalara diňe pul serişdeleri «Demirýollary» AGPJ-niň hasabyna gelip gowşandan soň garamak üçin kabul ediler.

Bellik: Ofşor zolaklarda bellige alnan ýa-da şol ýerlerde bank hasaplary bar bolan kompaniýalardan bäsleşik resminamalary kabul edilmez.

Bäsleşik resminamalary ýokarda görkezilen salgy boýunça ýerli wagt bilen sagat 9:00-dan 18:00-a çenli her gün «Demirýollary» AGPJ-niň (3-nji gat) 310, 306 otaglaryna iki aýry bukjada (tehniki we täjirçilik teklipleri) berilmelidir.

Bäsleşik tekliplerini bermekligiň soňky möhleti – bildiriş çap edilen gününden başlap 30 (otuz) iş günüdir.

Maglumatlary almak üçin telefon belgileri: (+99312) 38-36-00; faks: 38-31-03.