Türkmenistanyň daşary işler ministri Raşid Meredowyň Russiýanyň daşary işler ministri Sergeý Lawrow bilen telefon arkaly söhbetdeşligi boldy. Gepleşikleriň barşynda taraplar öňde boljak bilelikdäki çäreleriň tertibini ylalaşyp, ikitaraplaýyn gün tertibiniň möhüm meselelerini ara alyp maslahatlaşdylar. Bu barada Russiýanyň DIM-ni habar berýär.

Özara gyzyklanma döredýän ulgamlarda hyzmatdaşlygy berkitmegiň mümkinçiliklerine aýratyn üns berildi. Ministrler iki ýurduň daşary syýasat edaralarynyň arasynda hyzmatdaşlygy işjeňleşdirmegi dowam etdirmegiň möhümdigini nygtadylar.

Taraplar sebitleýin formatlaryň çäklerindäki hyzmatdaşlygyň ugurlaryna garap, halkara giňişlikde özara gatnaşyklary we tagallalary utgaşdyrmagyň häzirki meselelerini ara alyp maslahatlaşdylar.

Duşuşygyň ahyrynda DIM-niň ýolbaşçylary öňde goýlan meýilnamalary durmuşa geçirmekde netijeli dialogyň ähmiýetini belläp, bu gatnaşyklary ösdürmek boýunça geljekki çäreler barada pikir alyşdylar.