Türkmenistan bilen Saud Arabystany Saud ösüş gaznasynyň Baş ýerine ýetiriji direktory Sultan Abdulrahman Al-Marşadyň ýolbaşçylygyndaky wekiliýetiň saparynyň dowamynda hyzmatdaşlygy ösdürmek hakynda ikitaraplaýyn resminamalara gol çekdiler. Resminamalara Türkmenistanyň Döwlet daşary ykdysady iş bankynyň ýolbaşçylary bilen duşuşygyň çäklerinde gol çekildi. Oňa iki ýurduň wekilleri, şol sanda bankyň başlygy gatnaşdylar.

Şeýle hem şol gün daşary işler ministri Raşid Meredowyň Saud ösüş gaznasynyň Baş ýerine ýetiriji direktory Sultan Abdulrahman Al-Marşadyň ýolbaşçylygyndaky wekiliýetiň agzalary bilen duşuşygy boldy.

Gepleşikleriň dowamynda gaýtadan dikledilýän energetika, suw hojalygy, oba hojalygy we saglygy goraýyş ýaly ulgamlarda saud maýasynyň gatnaşmagynda geljegi uly taslamalara seredildi.

Taraplar hyzmatdaşlygy mundan beýkläk-de giňeltmek üçin uly mümkinçilikleriň bardygyny nygtap, bilelikdäki başlangyçlaryň üstünlikli durmuşa geçiriljekdigine pugta ynam bildirdiler.

2025-nji ýylyň 7-nji ýanwarynda Türkmenistanyň Prezidenti Serdar Berdimuhamedow Saud ösüş gaznasynyň Baş ýerine ýetiriji direktory Sultan Abdulrahman Al-Marşady kabul etdi.